Продаётся 5-комн. дом/дача 230 м², пос. Мехтиабад
Ev Mehdiabad qəsəbəsində 5 sot torpağın üzərində inşa olunub və Çıxarışı var. Qeyd edim ki, avtobusla Mehdiabad qəsəbəsi Azadlıq metrosundan cəmi 15-20 dəqiqəlik məsafədədir. Evə gələn bütün yollar təzəlikcə asfaltlanıb. Məktəb, market və avtobus dayanacağı yaxınlıqdadır.
Evin giriş qapısı Qiblə istiqamətinə açılır, söz var ki, giriş qapısı bu istiqamətə açılan evlərdən bərəkət əskik olmur.
Evin ölçüsü 13m x 9m, iki mərtəbəlidir, 1-ci mərtəbədə holl, 1 qonaq otağı, 1 yataq otağı, mətbəx və hamam/tualet; 2-ci mərtəbədə holl, 1 qonaq otağı, 1 yataq otağı, 1 uşaq otağı, kiçik mətbəxli şüşəbəndli eyvan, yardımçı otaq və hamam/tualet yerləşir. Binanın ayrıca iki zirzəmisi də var. Evin girişində cam ilə bağlanmış içində həyət mətbəxi olan verandası var.
Həyətin girişində ayrıca tikilidən ibarət camaşırxana və hamam/tualet vardır. Evin qarşısında besedka, arxasında isə toyuq hini yerləşir. Bu tikililərdən başqa digər boş sahələr tamet daşı ilə örtülmüş meydança, cığırlar və əkin üçün torpaq sahəsi təşkil edir.
Ev tam təmirlidir və rahatlıq üçün bütün lazım olan mebel, mexaniki-elektrik və məişət avadanlıqları ilə təchiz edilmişdir. Xüsusi qeyd etmək istəyirəm ki, işıq sistemi sayğacdan sonra cərəyan stablizatorundan keçib, evə daxil olur, 6 kondisioner, 2 su motoru, 2 beş tonluq su çəni və generatoru da mövcuddur. İsitmə sistemi 32-lik kombidir. Ev Daxili İşlər Nazirliyinə birləşdirilmiş siqnal sistemi ilə qorunur.
